İstanbul Təsis Toplantısı

Video Azərbaycan Respublikasının Diasporla İş üzrə Dövlət Komitəsi tərəfindən hazırlanmışdır.

Görüşdə dünyanın müxtəlif ölkələrində yaşayan Azərbaycanlı elm xadimləri ilə yanaşı DİDK, TKTA, TADF və Türkiyə EA-nın nümayəndələri də iştirak etdilər:

Görüşdə iştirak etmiş Azərbaycanlı elm xadimləri

Əsas Hədəflər

• Xaricdə fəaliyyət göstərən azərbaycanlı alimlərin vahid bazasının yaradılması
• Elm xadimləri və tədqiqatçılar arasında şəbəkələşmənin gücləndirilməsi və vahid platformada birləşdirilməsi
• Diaspor fəaliyyətinə töhfə verilməsi və qlobal elmi əməkdaşlıqda rolunun artırılması
• Vətənlə əlaqələrin möhkəmləndirilməsi və Azərbaycan elmi institutları ilə sıx əməkdaşlığın təşviq edilməsi
• Müxtəlif elmi və təhsil proqramları vasitəsilə Azərbaycanın inkişafına dəstək verilməsi
• İşğaldan azad edilmiş ərazilərin bərpası və yenidən qurulması prosesinə töhfə verilməsi
• Elmi fəaliyyət göstərən gənc nəslə dəstək verilməsi
• Müxtəlif təhsil layihələrinin hazırlanması və elmi işlərin davamlı dəstəklənməsi

İştirakçılar qruplara bölünərək müzakirələr apardılar

Təklif Edilmiş Strateji Addımlar

1. Regional qrupların yaradılması: Avropa, Türkiyə, Ərəb ölkələri və Afrika, Rusiya, Mərkəzi Asiya, Uzaq Şərq, Amerika, Avstraliya və digər regionlar üzrə alimlərdən ibarət qruplar formalaşdırılsın. Hər bir qrupun üzvləri və rəhbərləri təyin edilsin
2. Strukturun müəyyənləşdirilməsi: Dünya Azərbaycanlı Alimlər Birliyinin (DAAB) idarəetmə və fəaliyyət strukturu formalaşdırılsın
3. Vahid elmi şəbəkənin yaradılması: Alimlər arasında qlobal əməkdaşlığı gücləndirmək üçün vahid platforma və şəbəkə qurulsun
4. Strateji yol xəritəsi: Qısa, orta və uzunmüddətli fəaliyyət planları hazırlanaraq icra edilsin
5. Rəqəmsal təhlükəsizlik: Sosial şəbəkələrdə rəsmi hesablar açılsın, eyni zamanda kənar müdaxilələrin qarşısını almaq üçün maksimum təhlükəsizlik tədbirləri görülsün
6. Elmi informasiya bazasının yaradılması: Alimlərin elmi məqalələrini, kitablarını və tədqiqatlarını özündə cəmləşdirən geniş bir elmi məlumat bazası formalaşdırılsın
7. Elmi jurnalın nəşri: İldə dörd dəfə olmaqla beynəlxalq səviyyədə elmi jurnal dərc edilsin. Xaricdə elmi məqalələri çap olunan alimlərin yazılarının da bu jurnalda yayımlanması təmin edilsin
8. Gənc alimlər üçün mentorluq proqramı: Elmi tədqiqatla məşğul olan gənc alimlər üçün həm Azərbaycandan, həm də xarici ölkələrdən elmi rəhbərlərin təyin olunmasına dəstək verilsin
9. İlk Forumun təşkili: DAAB-ın birinci forumu 2023-cü ildə Bakı və ya Ağdamda keçirilsin və müxtəlif elmi dairələrdən müvafiq şəxslərin iştirakı təmin edilsin
10. Rəqəmsal infrastruktur: DAAB-ın rəsmi veb saytı və mobil tətbiqi yaradılsın
11. Strateji layihələrin dəstəklənməsi: Ekoloji mühit, "ağıllı şəhər" və bu tip digər innovativ layihələrə dəstək verilsin
12. Gənc tədqiqatçıların inkişafı: Gənc alimlərin inkişafına yönəlmiş proqramlar həyata keçirilsin və "Qarabağ" və "Şuşa" adları ilə xüsusi təqaüdlər təsis edilsin
13. Azərbaycan alimlərinin AMEA üzvlüyü: Xaricdə yaşayan azərbaycanlı alimlərin Azərbaycan Milli Elmlər Akademiyasına (AMEA) üzvlüyü məsələsi nəzərdən keçirilsin
14. Beynəlxalq elmi araşdırmalar: Alimlər tərəfindən yaşadıqları ölkələrin xüsusiyyətlərinə uyğun tədqiqatlar aparılsın, eyni zamanda arxivlərdə araşdırmaların təşkili təmin edilsin
15. Dil biliklərinin inkişafı: Alimlərin yaşadıqları ölkələrin dilini bilməsi üçün mütəxəssis hazırlığına dəstək verilsin
16. Alimlərin tanıdılması: Xaricdə fəaliyyət göstərən azərbaycanlı alimlərin çalışdıqları ölkələrdə elmi və ictimaiyyət arasında daha geniş tanıdılması üçün təşviq işləri aparılsın
17. İş dünyası ilə əməkdaşlıq: Xaricdə fəaliyyət göstərən azərbaycanlı iş adamları bu proseslərə cəlb edilsin və elmi layihələrin maliyyələşdirilməsində onların iştirakı təşviq edilsin

Alınmış Qərarlar

• Avropa, Türkiyə, Ərəb ölkələri və Afrika, Rusiya, Mərkəzi Asiya, Uzaq Şərq, Amerika və Avstraliya üzrə qruplar formalaşdırılsın
• Görüşün nəticəsi olaraq yaradılması nəzərdə tutulan təşkilat «Dünya Azərbaycanlı Alimlər Birliyi» adlandırılsın
• Təşkilatın nizamnaməsi hazırlansın
• Xaricdə yaşayan Azərbaycanlı Alimlərin birinci forumu Bakıda keçirilsin
• İdarə heyəti aşağıdakı tərkibdə qəbul edilsin:

  Feridun Hamdullahpur	Sədr
  Məsud Əfəndiyev	Həmsədr
  Bəxtiyar Siracov	Üzv
  Səadət Kərimi	Üzv
  Seymur Nəsirov	Üzv
  Toğrul İsmayıl	Üzv
  Zaur Sadıqbəyli	Üzv