AZƏRBAYCAN ELM VƏ TƏHSİLİNİN İNKİŞAFINA DAİR YOL XƏRİTƏSİ
Forum iştirakçılarının təklifləri əsasında hazırlanmış strateji hədəflər
Bu təkliflər Azərbaycan elmi və təhsilinin inkişafı üçün reallaşdırılması nəzərdə tutulan çoxşaxəli tədbirləri əhatə edir. Burada xarici və yerli müəllimlərlə ikili və mərhələli tədris proqramlarının təşkili, sertifikatlı kurslar, beynəlxalq universitetlərlə əməkdaşlıq və ikili diplom proqramları kimi təhsil təşəbbüsləri ön plana çəkilir. Elmi sahədə “Scopus” indeksli jurnallarda nəşrlər, beynəlxalq laboratoriyalarda təcrübələr, süni intellekt və rəqəmsal texnologiyalar üzrə tədqiqat mərkəzləri, patentləşdirmə və tərcümə layihələri qeyd olunur.
Bununla yanaşı, virtual universitetlər, onlayn platformalar, “YouTube” kanalları və bilik mübadiləsi sistemləri kimi rəqəmsal alətlər, diasporun iştirakı, ERASMUS və beynəlxalq qrant mexanizmləri ilə əməkdaşlıq təklif edilir. Mədəni və humanitar sahədə Qarabağla bağlı elmi missiyalar, Azərbaycan musiqisinin beynəlxalq səviyyədə təbliği nəzərə alınır. Təkliflər həmçinin bioinformatika, tibbi texnologiyalar, yaşıl enerji, regionların inkişafı kimi sahələrdə müasir yanaşmalar və beynəlxalq inteqrasiyanı təşviq edən fəaliyyətləri əhatə edir.
Təqdim edilmiş bu yol xəritəsi ölkənin qlobal elmi məkanla inteqrasiyasını gücləndirməyə, diaspor potensialını səmərəli şəkildə səfərbər etməyə və davamlı, innovasiya əsaslı inkişaf modelinin formalaşdırılmasına xidmət edən strateji hədəflərdir.